AKING MGA NATUTUNAN MULA SA PAGSUSURI NG AKDANG ''SI'' NI BOB ONG
Mga Natutunan Ko Mula sa Pagsusuri ng Akdang “Si” ni Bob Ong Sa aking mga natalakay , natutunan ko kung paano magsuri ng isang akdang pampanitikan at unawain ang mas malalim nitong mensahe. Isa sa mga akdang aking tinalakay ay ang “Si” na isinulat ni Bob Ong. Sa unang tingin, simple lamang ang pamagat ng akda, ngunit habang binabasa at sinusuri ito, napagtanto ko na mas malalim at makabuluhan ang mga ideyang nais iparating ng may-akda. Bilang isang estudyante, marami akong natutunan mula sa akdang “Si”. Ipinakita ng kwento ang iba’t ibang mukha ng tao sa lipunan at kung paano naaapektuhan ng sistema, karanasan, at kapaligiran ang kanilang mga desisyon sa buhay. Napansin ko rin na hindi basta-basta ang pagkukwento ni Bob Ong dahil gumagamit siya ng simple ngunit makahulugang wika na madaling maintindihan ng mambabasa. Dahil dito, mas nagiging relatable ang mga pangyayari at mas tumatagos ang mensahe ng akda. Sa pagsusuri ko, natutunan ko na mahalagang tingnan hindi lamang ang kwen...